Lokað á afgreiðslur umsókna í einhvern tíma

Guðríður Arnardóttir formaður FF hefur með ólögmætum inngripum  beitt sér fyrir að kjósa nýja fulltrúa FF í stjórn í Vísindasjóði FF og FS á „aukaaðalfundi“  7. nóvember 2016.  Samkvæmt tveimur lögfræðiálitum sem Stjórn Vísindasjóðs hefur aflað er þessi „aukaaðalfundur“ ekki lögmætur og mótmælti stjórnin að fundurinn yrði haldinn.

Á svonefndum aukaaðalfundi í FF er eftirfarandi haft eftir Gísla Þór Sigurþórssyni:

„Allt varðandi úthlutanir sé í góðu lagi...“

Hið alvarlega inngrip Guðríðar er því óskiljanlegt þegar litið er til þessara orða Gísla og aðalverkefnis sjóðsstjórnar.

Þetta inngrip hefur í för með sér að afgreiðsla umsókna getur ekki átt sér stað þar sem búið er að loka á afgreiðslu umsókna í bókhaldskerfinu og ekki hægt að greiða út styrki.  Vonandi mun þetta ástand leysast sem fyrst.

Comments are closed.